Pires: Arsenal þarf að kaupa Khedira

Robert Pires, fyrrverandi leikmaður Arsenal, segir að félagið þurfi að fjárfesta í þýska miðjumanninum Sami Khedira í janúarglugganum ætli það sér að vinna Englandsmeistaratitilinn næsta vor.

Samningur Khedira, sem leikur með Real Madrid, rennur út næsta sumar, en hann hefur verið orðaður við ýmis lið á undanförnum mánuðum, þ.á.m. Arsenal sem er í 8. sæti ensku úrvalsdeildarinnar með 10 stig eftir sjö leiki.

„(Arsene) Wenger þarf öflugum leikmann á miðjuna, eins og Patrick Viera var, því þessi staða er mjög mikilvæg fyrir jafnvægi á milli varnar og sóknar.

„Það eru hæfileikar til staðar, en þú þarft eitthvað meira, einhvern eins og Yaya Toure. Hann minnir mig á Viera.

„Kannski á Arsenal möguleika á að fá Khedira. Það gæti gerst í janúarglugganum. Hann hefur spilað mjög vel fyrir Þýskaland. Ég ráðlegg Wenger að kaupa Khedira,“ sagði Pires sem varð Englandsmeistari í tvígang með Arsenal.