Yfirbugaður og ólaður í sætið

Kolbeinn Tumi Daðason skrifar 20. október 2014 10:27

Óskað var eftir aðstoð lögreglunnar á Suðurnesjum á föstudagsmorgun vegna ölvaðs og dónalegs Íslendings sem var farþegi í vél Icelandair frá Toronto. Maðurinn hafði verið áberandi ölvaður og dónalegur alveg frá því vélin fór í loftið í Kanada.

Hann hafði meðal annars í hótunum við áhafnarmeðlimi í fluginu og að lokum sá áhöfnin sér ekki annað fært en að yfirbuga hann og óla niður í sætið. Maðurinn var handtekinn vegna brots á loftferðalögum og færður á lögreglustöð.

Gunnar Schram, yfirlögregluþjónn hjá lögreglunni á Suðurnesjum, segir í samtali við Vísi að maðurinn hafi verið yfirheyrður þegar hann var kominn í ástand til þess. Maðurinn hefði einfaldlega farið of geyst í áfengið fyrir flugtak en áfengið fari misvel í fólk.

Aðspurður hvort embættið finni fyrir aukningu í málum þar sem flugfarþegar á leið til Keflavíkur láti illa segir Gunnar ekki finna fyrir því. Svona mál komi upp annað slagið.

Tengdar fréttir

Flugdólgur settur út í Keflavík

Boeing 767 þora frá Deltaflugfélaginu lenti á Keflavíkurflugvelli um klukkan þrjú í nótt þar sem æði hafði runnið á einn farþegann, sem ógnaði öryggi farþeganna.

20. ágúst 2008 06:56

Flugdólgur tekinn í Keflavík

Flugvél frá þýska flugfélaginu Lufthansa lenti á Keflavíkurflugvelli um klukkan hálf níu í morgun vegna óláta í farþega um borð. Að sögn lögreglunnar á Suðurnesjum var maðurinn mjög ölvaður. Hann hafði meðal annars slegið til annarra farþega og áreitt flugfreyjur.

25. ágúst 2007 09:56

Flugdólgur hótaði að stinga flugstjórana

Ölvaður bandarískur kaupsýslumaður var handtekinn eftir hótanir um líkamsmeiðingar um borð í flugvél frá flugfélaginu British Airways á dögunum.

23. ágúst 2011 10:24

Flugdólgur skilinn eftir í Halifax

Íslenskur karlmaður, sem lét ófriðlega í flugvéla á vegum Heimsferða á leið frá Kúbu til Íslands í gær, var skilinn eftir ásamt konu sinni í Halifax í Kanda. Maðurinn mun hafa angrað áhöfn og farþega og barið konu sína þegar hún reyndi að róa hann.

17. desember 2006 14:15

Farþegum brugðið þegar flugdólgurinn var handtekinn

Fólki í vél Icelandair, sem flaug frá Íslandi til New York í gær, var mjög brugðið eftir að flugdólgur var handtekinn í vélinni. Maðurinn hafði verið með allmikil læti þegar hann var loks yfirbugaður af áhöfn vélarinnar og farþegum.

4. janúar 2013 15:32

Flugdólgur fær þungan dóm

Yfirvöld í Tékklandi hafa ákært rússneskan mann fyrir að stofna farþegaflugvél í hættu, þegar hann reyndi að ryðjast inn í stjórnklefa hennar, á leiðinni frá Moskvu til Genfar. Vélin nauðlenti í Prag.

29. desember 2006 14:15

Flugdólgurinn kvartaði yfir fiskilykt

Íslenski flugdólgurinn sem handtekinn var í Skotlandi kvartaði sárann yfir fiskilykt sem var í vélinni. Farþegi sem var um borð segir hann einnig hafa sagst vilja sprengja vélina í loft upp. Dólgurinn var færður út í handjárnum.

4. mars 2008 14:40

Annar flugdólgur í vél Icelandair

Farþegar í vél Icelandair sem var að koma frá Washington í Bandaríkjunum á miðvikudagsmorgun yfirbuguðu karlmann sem lét ófriðlega þegar vélin var í lendingu í Keflavík.

12. janúar 2013 12:06

Íslenskur flugdólgur handtekinn á Reykjavíkurflugvelli

Íslenskur flugdólgur á miðjum aldri var handtekinn á Reykjavíkurflugvelli um hádegisbilið í dag. Maðurinn var að koma frá Færeyjum með flugfélaginu Atlantic Airways.

24. ágúst 2012 13:54

Flugdólgur barði konu sína

Karlmaður á miðjum aldri, sem látið hafði dólgslega í flugvél sem var á leiðinni til Íslands frá Kúbu á vegum ferðaskrifstofunnar Heimsferða, var skilinn eftir í Halifax í Kanada ásamt eiginkonu sinni aðfaranótt sunnudagsins. Flugvélin, sem er í eigu flugfélagsins JetX sem flýgur fyrir Heimsferðir, millilenti í Halifax til að taka eldsneyti og skipta um áhöfn.

18. desember 2006 02:00

Flugdólgur yfirbugaður af farþegum hjá Icelandair

Karlmaður var yfirbugaður af farþegum og áhöfn flugvélar Icelandair sem var á leiðinni til New York. Mynd af manninum hefur vakið heimsathygli en þar sést að hann hefur hreinlega verið límdur við sæti sitt.

4. janúar 2013 11:17

Flugdólgur trylltist á leið til Tenerife - yfirbugaður af farþegum

Svanur Kristinsson lögregluþjónn á Selfossi var á leið í vikufrí til Tenerife á miðvikudaginn í síðustu viku. Áður en hann fór upp í flugvélina veitti hann manni athygli sem virtist vera í annarlegu ástandi. Skömmu eftir flugtak missti maðurinn síðan gjörsamlega stjórn á sér og áhöfnin óskaði eftir aðstoð farþega. Svanur og Bjarni nokkur fyrrverandi slökkviliðsmaður frá Selfossi skiptust síðan á að sitja yfir manninum næstu þrjá tímana. Við komuna til Tenerife var dólgurinn síðan leiddur út í járnum og beit spænskan lögregluþjón. Matthías Imsland framkvæmdarstjóri Iceland Express segir að maðurinn fari ekki aftur upp í vél frá félaginu, nema þá í lögreglufylgd.

5. júní 2009 13:07

Ölvaður flugdólgur rekinn frá borði

Erlendur karlmaður um fimmtugt var fjarlægður úr flugvél Norwegian Air við Flugstöð Leifs Eiríkssonar um hádegisbil í gær vegna drykkjuláta. Flugvélin var á leið til Osló.

13. janúar 2014 11:55

Flugdólgurinn vekur heimsathygli

Útreiðin sem flugdólgurinn hefur fengið vekur sitt á hvað aðdáun eða óhug.

4. janúar 2013 21:44

Flugdólgur veittist að lögreglu

Óviðræðuhæfur vegna ölvunar þegar lögreglumenn reyndu að ræða við hann.

2. september 2013 10:11

Farþegar óttuðust slagsmál yfir miðju Atlantshafi

Flugdólgur í vél Icelandair káfaði á andlitum kvenna og reyndi að stofna til illinda við menn.

4. janúar 2013 19:37

Flugdólgur reyndi að opna hurð á fljúgandi ferð

39 ára gömul bandarísk kona olli nokkurri hræðslu meðal farþega um borð í SAS flugvél þegar hún reyndi að opna hurð á flugvélinni sem var í 10 kílómetra hæð. Flugvélin var á leið frá Zurich til Kaupmannahafnar. Konan var mjög óróleg en flugáhöfnin kom í veg fyrir að henni tækist ætlunarverk sitt. Þegar vélin lenti á Kastrup flugvelli var lögreglan kölluð á staðinn sem flutti hana á geðdeild. Talið er að konan hafi ætlað að fremja sjálfsmorð.

23. janúar 2006 07:45

Áreitti flugfreyjur og hótaði þeim

Ofurölvaður flugdólgur, sem handtekinn var í Leifsstöð við komuna til landsins í gærmorgun frá Bandaríkjunum, á yfir höfði sér himin háar sektir og janfvel fangelsisdóm. Maðurinn veittist meðal annars að flugfreyjum og brást ókvæða við þegar lögregla hugðist ræða við hann.

23. júlí 2007 18:04

Flugdólgur dæmdur í 12 mánaða fangelsi

Farþegi í Boeing 757 þotu í eigu ferðaskrifstofunnar Thomas Cook hefur verið dæmdur í tólf mánaða fangelsi eftir slagsmál við áhöfn þotunnar sem vildi ekki leyfa honum að reykja í 33 þúsund feta hæð. Stephen Robinson réðist á flugþjón í fullsetinni vélinni sem var á leið frá Antalya í Tyrklandi til Newcastle á Englandi. Áhöfnin greip til þess ráðs að handjárna manninn sem er fimmtíu og þriggja ára.

28. september 2007 16:44