Hart: Erum allir sigurvegarar

„Við gátum ekki endurtekið leikinn á móti QPR. Þannig spilaðist þetta þá. Núna enduðum við af krafti þegar við þurftum á því að halda,“ sagði Joe Hart þegar hann var beðinn um að bera titilinn í dag saman við titlinn fyrir tveimur árum hjá Manchester City í ensku úrvalsdeildinni í fótbolta.

„Við erum allir sigurvegarar. Þetta var frábært ár fyrir mig og hópurinn var allur með það á hreinu að við yrðum að vinna deildina.

„Ég átti í erfiðleikum á tímabili og Costel Pantilimon kom inn í liðið sem og Richard Wright. Ég get ekki þakkað þeim nóg,“ sagði Hart sem komst í sitt gamla form þegar leið á tímabilið.