Carrick: Vill vera eins lengi og ég get hjá United

Michael Carrick, leikmaður Manchester United, trúir því að hann geti leikið með Englandsmeisturunum í nokkur ár í viðbót.

Samningur leikmannsins við félagið rennur út eftir tímabilið og vill leikmaðurinn ólmur semja á ný.

„Ég myndi vilja leika áfram með liðinu og í raun eins lengi og ég get,“ sagði Carrick í viðtali við Sky Sports.

„Þetta er magnaður klúbbur og ég hef upplifað margt hér. Mér líður vel þessa stundina. Ég er nýorðinn 32 ára og á en nokkur ár eftir.“

Carrick hefur fimm sinnum orðið enskur meistari með United og unnið Meistaradeild Evrópu.