Villas-Boas: Bale spilar ekki fyrr en í september

Gylfi Þór Sigurðsson og félagar í Tottenham verða án Gareth Bale á sunnudaginn þegar liðið mætir Crystal Palace í fyrstu umferð ensku úrvalsdeildarinnar. Bale hefur ekki spilað með liðinu síðan um miðjan júlí.

Andre Villas-Boas tilkynnti það á blaðamannafundi í dag að Gareth Bale muni missa af öllum leikjum Tottenham í ágúst en það eru deildarleikir á móti Crystal Palace  og Swansea City og svo leikur á móti Dinamo Tbilisi í Evrópudeildinni.

„Bale mun ekki koma vera með í leikjunum á móti Palace, Tbilisi eða Swansea. Við verðum að meta stöðu á ný og sjá hvort að verkirnir séu að minnka. Bale spilar ekki fyrsta lagi fyrr en í september," sagði Andre Villas-Boas.

Bale meiddist fyrst aftan í læri á undirbúningstímabilinu en svo aftur á fæti þegar hann var farinn að æfa á nýjan leik. Hann mun reyna að ná leiknum á móti erkifjendunum við Arsenal sem fer fram 2. september.

Gareth Bale hefur verið orðaður við Real Madrid í allt sumar en félagsskiptaglugginn lokar 3. september. Eins og er lítur ekki út fyrir að spænska liðið ætli að gera hann að dýrasta leikmanni heims.