Cavani fer ófögrum orðum um Rodgers

Knattspyrnumaðurinn Edinson Cavani fer mikinn í enskum fjölmiðlum þessa dagana og  gagnrýnir Brendan Rodgers, knattspyrnustjóra Liverpool, fyrir meðferð hans á framherjanum Luis Suarez.

Leikmaðurinn vill meina að félagið eigi að leyfa leikmanninum að yfirgefa liðið.

Cavani gekk í raðir Paris Saint-Germain frá Napoli í sumar en kaupverðið var 55 milljónir punda.

,,Þjálfari Liverpool getur talað eins mikið og hann vill um tryggð og vanvirðingu gagnvart Liverpool en ég mæli kannski með að hann fletti þessum orðum upp í orðabók,“ Cavani.

Cavani og Suarez mynda sterka framlínu hjá úrúgvæska landsliðinu.

„Suarez hafnaði ítalska liðinu Juventus á síðustu leiktíð, en liðið endaði með því að vinna ítölsku deildina. Hann ákvað að vera um kyrrt hjá Liverpool og berjast áfram, það er tryggð.“