Upp fyrir Fowler og nálgast Lampard

Wayne Rooney skoraði bæði mörk Manchester United í 2-2 jafnteflinu gegn Tottenham. Mörkin komu honum í 5. sæti yfir markahæstu menn frá stofnun ensku úrvalsdeildarinnar.

Rooney hefur skorað 164 mörk og andar ofan í hálsmálið á Frank Lampard sem situr í fjórða sæti með 168 mörk. Aðeins einn í viðbót á topp tíu listanum er enn að spila, Robin van Persie sem hefur skorað 129 mörk.

Alan Shearer leiðir listann með 260 mörk, svo kemur Andy Cole með 188 mörk og í þriðja sæti er Frakkinn Thierry Henry með 175 mörk.