Vill ekki brú yfir Skálafjörð

Ekki kemur til greina að byggja brú yfir Skálafjörð að sögn Kára P. Højgaard, innanríkisráðherra Færeyja. Frá þessu segir á fréttavefnum Portalinum.

Áform eru uppi um að gera göng milli Straumeyjar og Austureyjar. Gert er ráð fyrir að á Austurey komi göngin upp beggja vegna við mynni Skálafjarðar, á Ströndum og í Tóftum, en sumir vilja meina að betur færi á að göngin kæmu aðeins upp á Ströndum og þaðan yrði byggð brú til Tófta. Højgaard segir hins vegar að brú yfir fjörðinn myndi afskrifa olíuhöfn sem er þar og það kæmi ekki til greina.