Messan: Situr eftir með tvær súperstjörnur en annað er drasl

Séra Guðmundur Benediktsson, Hjörvar Hafliðason og Bjarni Guðjónsson fóru vel í gegnum sjöttu umferð ensku úrvalsdeildarinnar í Messunni í gær.

Staða Manchester United í deildinni var meðal annars sem var til umræðu. Manchester United er í 12. sæti deildarinnar með aðeins sjö stig eftir sex umferðir.

„Clarke [Steve Clarke, knattspyrnustjóri WBA] mætir með sína menn á Old Trafford og veit að þeir eru haltir,“ sagði Bjarni Guðjónsson í gær.

„Þeir fara bara fullir sjálfstraust í leikinn og vinna hann bara, og það sannfærandi. Þetta lítur bara ekkert sérlega vel út fyrir United.“

"Það er búið að fá fullt af miðlungsleikmönnum til liðsins í gegnum árin og núna situr Moyes eftir með tvær súperstjörnur og kannski góðan markvörð en hitt er drasl."

Hér að ofan má sjá myndskeið úr Messunni sem fram fór á Stöð 2 Sport 2 í gær en þátturinn verður á mánudagskvöldum í vetur.