Moses ætlar sér 20 mörk á tímabilinu

Victor Moses, framherji Liverpool á láni frá Chelsea, ætlar að stimpla sig inn hjá rauða liðinu á yfirstandandi leiktíð.

Moses, sem er landsliðsmaður Nígeríu, skoraði í fyrsta leik sínum með Liverpool gegn Swansea í september. Síðan hefur honum ekki tekist að finna leiðina í markið.

Framherjinn hefur þurft að sætta sig við að verma varamannabekkinn enda hafa aðalframherjar Liverpool, Daniel Sturridge og Luis Suarez, verið í fantaformi.

„Ég vil bara skora mörk og setti mér markmið að skora 20 mörk á tímabilinu,“ segir framherjinn 22 ára við Sky Sports.