Sturridge frá keppni fram í janúar

Daniel Sturridge, framherji Liverpool, meiddist á æfingu liðsins á föstudag.

Liverpool verður án framherjans Daniel Sturridge í jólatörninni vegna meiðsla sem kappinn varð fyrir á æfingu á föstudag.

Brendan Rodgers, stjóri Liverpool, staðfesti í viðtali fyrir leik liðsins gegn Hull í dag að Sturridge yrði frá keppni næstu sex til átta vikurnar.

Sturridge hefur skorað 12 mörk í öllum keppnum með Liverpool á leiktíðinni og verið í fantaformi. Samvinna þeirra Luis Suarez hefur vakið sérstaka athygli.