Aron fór fyrir dansinum

Cardiff City tryggði sér sæti í ensku úrvalsdeildinni á þriðjudagskvöldið eftir markalaust jafntefli á heimavelli gegn Charlton. Áfanganum var vel fagnað af leikmönnum liðsins.

Í myndbandinu hér að neðan má sjá leikmenn velska liðsins fagna sigrinum með dansi í búningsklefanum. Aron Einar Gunnarsson, landsliðsfyrirliði Íslands og miðjumaður Cardiff, vippar sér að sjálfsögðu úr treyju sinni og sýnir skemmtileg tilþrif.

„Við erum á leiðinni upp, já við erum á leiðinni upp," syngja leikmennirnir. Cardiff hefur sjö stiga forskot á Hull í toppsæti deildarinnar. Liðið getur tryggt sér deildarmeistaratitilinn um helgina þegar liðið sækir Burnley heim um helgina.