Ruddy: Hart er enn fyrsti valkostur

Markvörðurinn John Ruddy stendur með samherja sínum Joe Hart hjá enska landsliðinu og vill meina að hann sé enn markvörður númer eitt.

Hart hefur verið mikið gagnrýndur á tímabilinu og ekki þótt standa sig nægilega vel með Manchester City í fyrstu leikjum liðsins.

John Ruddy og Fraser Forster eru í landsliðshópi Englands fyrir leikina gegn Serbíu og Póllandi í undakeppni HM á næstu dögum en líklegt er talið að Hart verði samt á milli stanganna.

„Joe er enn fyrsti valkostur,“ sagði Ruddy.

„Hann hefur verið magnaður undanfarin ár og heldur því væntanlega stöðunni. Maður hefur sjálfur verið í þeirri stöðu að það er verið að gagnrýna mann mikið og það er aldrei þægilegt.“

„Hann er leikmaður í heimsklassa og einn af betri markvörðum í heiminum.“