Di Canio: Ég hefði þurft lengri tíma

Paolo Di Canio heldur því fram að hann hafi átt skilið að fá lengri tíma með Sunderland-liðið en Ítalinn var á dögunum rekinn sem knattspyrnustjóri.

Di Canio var rekinn eftir 3-0 tap fyrir WBA en hann var ráðinn á miðju síðasta tímabili.

„Ég er þakklátur fyrir tækifærið að fá að stýra liði í ensku úrvalsdeildinni,“ sagði Di Canio í samtali við Sky Sports.

„Ég tók við undir erfiðum aðstæðum og náði að halda liðinu í deildinni. Fyrir þetta tímabil fékk ég 14 leikmenn til liðsins og margir þeirra höfðu litla reynslu á ensku úrvalsdeildinni. Það sem ég þurfti var örlítið meiri tími til að slípa saman hópinn.“

„Þrátt fyrir að ég hafi ekki verið lengi hjá félaginu vill ég þakka Sunderland fyrir þann tíma og þetta einstaka tækifæri.“