Lukaku mun klára tímabilið með Everton | Myndband

Það hefur ekki gengið nógu vel hjá framherjum Chelsea að skora á tímabilinu og margir sem furða sig á því af hverju Jose Mourinho, stjóri Chelsea, lánaði Romelu Lukaku til Everton.

Lukaku skoraði sigurmark Everton um helgina gegn West Ham en var rotaður í leiðinni og man því líklega ekki eftir því að hafa skorað markið.

Margir stuðningsmenn Chelsea vilja fá Lukaku aftur til félagsins en Mourinho hefur staðfest að hann komi ekki aftur í vetur. Lánssamningurinn við Everton er bindandi út tímabilið.

"Lukaku er í góðum málum hjá Everton. Hann mun fá að spila mikið og það er gott fyrir framtíð Chelsea," sagði stjórinn.

Hér má sjá mörkin úr leik West Ham og Everton. Leighton Baines skoraði meðal annars beint úr tveimur aukaspyrnum.