Wenger mun nota Bendtner á miðvikudaginn

Nicklas Bendtner hefur verið leikmaður Arsenal í meira en tvö ár án þess að ná því að spila fyrir félagið en það breytist væntanlega á miðvikudagskvöldið. BBC segir að Arsene Wenger ætli að spila danska framherjanum í enska deildabikarnum.

Wenger ætlar að hvíla leikmenn í leiknum á móti West Bromwich Albion á The Hawthorns í enska deildabikarnum en það hefur verið mikið álag á leikmönnum Arsenal fyrstu vikur tímabilsins.

Bendtner er 25 ára gamall og fór á láni til bæði Sunderland og Juventus á þessum tíma eða frá því að hann spilaði sinn síðasta leik fyrir Arsenal á móti Liverpool í ágúst 2011. Það var eini leikur Bendtner fyrir félagið tímabili 2011–12.

Það eru ennfremur liðnir 30 mánuðir síðan að Nicklas Bendtner skoraði fyrir Arsenal en hann skoraði þrennu í sigri á Leyton Orient. Bendtner hefur skorað 7 mörk í 16 leikjum fyrir í enska deildabikarnum.