Katrín og félagar nálgast titilinn

Katrín Ómarsdóttir og stöllur hennar í Liverpool eru komnar með aðra hönd á Englandsmeistaratitilinn eftir flottan sigur á nágrönnum sínum í Everton í kvöld.

Leiknum lyktaði með 4-2 sigri Liverpool en staðan var 2-2 í hálfleik.

Natasha Dowie skoraði þrennu fyrir Liverpool í kvöld og Gemma Bonner eitt. Nakita Parris skoraði bæði mörk Everton í leiknum.

Liverpool er með fimm stiga forskot í deildinni þegar tvær umferðir eru eftir. Katrín var í byrjunarliði liðsins í kvöld.