Suarez mætti með tíu daga gamlan Benjamin á Anfield

Luis Suarez kynnti stuðningsmenn Liverpool fyrir nýjasta fjölskyldumeðliminum þegar hann gekk inn á Anfield fyrir leikinn gegn Crystal Palace í ensku úrvalsdeildinni í dag.

Suarez, sem skoraði eitt mark í leiknum, leiddi þriggja ára gamla dóttur sína inn á völlinn auk þess sem hann hélt á tíu daga gömlum syni sínum. Drengurinn hefur fengið nafnið Benjamin.

Stuðningsmenn Liverpool klöppuðu fyrir framherjanum og fögnuðu enn meira þegar hann skoraði fyrsta mark leiksins, liggjandi á vellinum.

Myndir frá inngöngu Suarez má sjá hér að ofan. Mörkin úr leiknum má sjá hér.