Veltir fyrir sér uppnáminu vegna útdauðra dýrategunda

Vísindaritstjóri BBC veltir því fyrir sér afhverju dýrategundir sem deyja út veki svo heitar tilfinngar sem raun ber vitni

Ritstjórinn, David Sukhman, bendir á að dýrategundir hafi dáið út þúsundum saman á undanförnum öldum og árþúsundum og nýjar komið í staðinn. Í nær öllum tilvikum hafi náttúruval staðið að baki því að viðkomandi dýr átti ekki lengur möguleika á neinni tilveru á jörðinni.

Sukhman segir að sennilega sé mannkynið betur sett með að grameðlur séu ekki algengar á strætum borga heimsins. Hvað þá ef menn ættu von á að rekast á sverðtenntan tígur í bakgarði sínum.

Það sem ritstjórinn er einkum að benda á er að í dag virðist útdauði dýrategunda vera stórglæpur í huga margra og þó einkum dýraverndunarsamtaka og góðgerðastofnanna. Þetta sé furðulegt þegar haft er í huga að rannsóknir sýna að flestar dýrategundir sem þróast á jörðinni deyja þar einnig út á næstu milljón árum eða svo.