Mourinho: Varð að taka áhættu

Jose Mourinho knattspyrnustjóri enska úrvalsdeildarliðsins Chelsea segist hafa orðið að taka áhættu til að liðið næði 3-1 sigrinum á Norwich fyrr í dag.

Í stöðunni 1-1 skipti Mourinho Samuel Eto´o, Eden Harzard og Willian inn á í von sinni um að liðið kæmist yfir á ný en Anthony Pilkington jafnaði metin eftir Oscar hafði komið Chelsea yfir snemma leiks.

Harzard og Willian skoruðu báðir á síðustu fimm mínútum leiksins sem tryggði sigurinn.

„Ég vildi koma hingað og klára leikinn sem allra fyrst,“ sagði Mourinho við Sky Sports eftir leikinn.

„Leikmennirnir gerðu sitt besta og andstæðingurinn átti skilið að vera inni í leiknum. Þessi lið er alltaf erfitt að vinna. Þeir börðust vel og létu okkur hafa fyrir hlutunum.

„Þeir tóku enga áhættu í stöðunni 1-0. Þeir biðu eftir færi til að skora. Leikurinn var galopinn eftir að þeir skoruðu en ég kom ekki hingað til verja stig. Ég kom hingað til að vinna og varð að taka áhættu.

„Ég gerði það en ábyrgðin er leikmannanna á vellinum,“ sagði Mourinho.