Aron Einar og félagar töpuðu á Villa Park

Aron Einar Gunnarsson og félagar í Cardiff City þurftu að sætta sig við 2-0 tap á móti Aston Villa á Villa Park í ensku úrvalsdeildinni í dag.

Aston Villa var ekki búið að skora í fjórum síðustu deildarleikjum sínum og hafði aðeins náði í samtals tvö stig í október og nóvember. Þetta voru því langþráð mörk og stig hjá Villa-mönnum í dag.

Aron Einar Gunnarsson var í byrjunarliðinu hjá Cardiff en var tekin af velli á 65. mínútu þegar staðan var enn markalaus.

Leandro Bacuna kom Aston Villa í 1-0 með marki beint úr aukspyrnu á 76. mínútu en þetta var fyrsta deildarmark liðsins síðan í 3-2 sigri á Manchester City í lok september.

Libor Kozák bætti við öðru marki á 84. mínútu eftir sendingu frá Nathan Baker.

Aston Villa komst upp fyrir Cardiff mneð þessum sigri og fór alla leið í 10. sæti deildarinnar. Cardiff er í 13. sætinu.

Staðan í ensku úrvalsdeildinni.