Messan: Þarna sjáum við þennan fræga súkkulaðiúlnlið

Guðmundur Benediktsson, Hjörvar Hafliðason og Bjarni Guðjónsson fóru vel í gegnum umferðina í  ensku úrvalsdeildarinnar í Messunni í gær.

Þeir félagar fóru vel í gegnum leik Manchester United og Stoke og en United vann leikinn 3-2 eftir að hafa lent 2-1 undir.

Spekingarnir voru ekki nægilega hrifnir af frammistöðu David de Gea, markverði Manchester United, en hann fékk tvö mörk á sig í leiknum.

„Þarna sjáum við þennan fræga súkkulaðiúlnlið, hann er allt of aftarlega í markinu og ætlar sér í raun og veru að verja hann inn í markinu,“ sagði Hjörvar Hafliðason um David de Gea.

Hér að ofan má sjá myndskeið úr Messunni sem fram fór á Stöð 2 Sport 2 í gær.