Sturridge frá í 6-8 vikur

Liverpool fékk þau slæmu tíðindi í dag að sóknarmaðurinn Daniel Sturridge verði frá keppni vel fram yfir áramót.

Sturridge hefur skorað ellefu mörk í fjórtán leikjum þetta tímabilið og skoraði til að mynda jöfnunarmark Liverpool í 3-3 jafnteflinu gegn Everton á dögunum.

Hann sneri sig á ökkla á æfingu í vikunni og Brendan Rodgers, stjóri Liverpool, hefur nú staðfest meiðsli kappans.

„Þetta er auðvitað mikið áfall fyrir okkur. Við áttum ekki von á því að meiðslin væru svona alvarleg. Hann rann til á æfingu og við héldum fyrst að hann væri meiddur á tá,“ sagði Rodgers.

„En hann fór svo í skoðun og þá kom í ljós að liðböndin væru tognuð,“ bætti stjórinn við.

Viðbrögð Sturridge á Twitter má sjá hér fyrir neðan.

I'm gutted right now man, keeping it real. Thanks for all the kind words. To all my fans thanks for the support. Means a lot to me. Daniel

— Daniel Sturridge (@D_Sturridge) December 2, 2013