City óstöðvandi á heimavelli | Öll mörkin

Samir Nasri skoraði tvö mörk fyrir Manchester City sem lagði Swansea að velli 3-0 í ensku úrvalsdeildinni í knattspyrnu í dag.

Alvaro Negredo skoraði fyrsta mark leiksins á áttundu mínútu með skoti beint úr aukaspyrnu. Gerhard Tremmel virkaði illa staðsettur í markinu enda fór skotið í markmannshorið án þess að Tremmel hefði hönd á bolta.

Swansea stóð vel í heimamönnum í fyrri hálfleik. Jonathan De Guzman fékk dauðafæri undir lok hálfleiksins en skaut yfir einn gegn Costel Pantilimon í marki City.

Í síðari hálfleik var aldrei spurning hvort liðið myndi fara með sigur. Yaya Toure og Pablo Zabaleta lögðu hvor upp sitt markið fyrir Nasri. 3-0 sigur City því staðreynd en liðið hefur unnið alla sjö leiki sína á heimavelli á leiktíðinni.

City hefur nú 25 stig í 3. sæti deildarinnar en Swansea hefur 15 stig í 13. sæti.