Beckham: Mér finnst ég vera gamall við hliðina á Ryan Giggs

David Beckham er stoltur af gamla liðsfélaga sínum Ryan Giggs en Giggs er enn að spila á fullu með Manchester United þrátt fyrir að halda upp á fertugsafmælið sitt í dag. Beckham talaði um Giggs í viðtali við BBC.

David Beckham lagði skóna á hilluna á síðasta tímabili en hann er tveimur árum yngri en Ryan Giggs. Þeir spiluðu saman í tíu ár með Manchester United og unnu þá alls fjórtán titla saman.

Beckham segir það vera magnað afrek hjá Giggs að vera ennþá að spila fótbolta í fremstu röð en jafnframt að það komi honum ekki á óvart að Giggs sé enn í fullu fjöru vegna hæfileika hans og drifkraftar.

Beckham efast ekki um sýna ákvörðun að leggja skóna á hilluna þegar hann horfir á Ryan Giggs vera enn að spila en talar um það að honum sjálfum líði eins gamall maður við hliðina á hinum síunga Ryan Giggs.