United ætlar á toppinn fyrir áramót

Wayne Rooney, framherji Manchester United, segir sigurinn á Arsenal í gær hafa gefið liðinu mikið í baráttunni um titilinn.

Helgin var góð fyrir þá rauðklæddu því Tottenham tapaði heima gegn Newcastle og Manchester City fór í fýluferð til Sunderland.

„Úrslitin um helgina gefa okkur aukakraft og við erum komnir á beinu brautina,“ sagði Rooney. „Við vissum að við yrðum að vinna sigur. Við gátum ekki leyft Arsenal að komast í 11 stiga fjarlægð frá okkur.“

„Markmið okkar er að vera í toppsætinu eða við toppinn um áramótin.“

Það helsta úr viðureign United og Arsenal frá því í gær má sjá í spilaranum hér að ofan.