Joe Hart verður ekki í markinu í kvöld

Markvörðurinn Joe Hart hefur átt heldur slakt tímabil með enska liðinu Manchester City og hefur því verið á varamannabekk liðsins í undanförnum leikjum.

Hart hefur verið aðalmarkvörður City síðustu ár sem og aðalmarkvörður enska landsliðsins sem mætir Síle í vináttulandsleik  á Wembley í kvöld.

Roy Hodgson, landsliðsþjálfari Englands, staðfesti á blaðamannafundi í gær að Hart verði ekki í byrjunarliði Englendinga í kvöld.

Hann gat aftur á móti ekki gefið það upp hvort það yrði John Ruddy eða Fraser Forster sem myndu standa á milli stanganna hjá enska landsliðinu.