Áskorun Patrice Evra: Vinnum tíu í röð

Patrice Evra hefur sett stefnuna á tíu sigurleiki í röð og segir að einungis slík sigurganga segi honum að Manchester United liðið sé komið aftur í gang.

Manchester United hefur verið í vandræðum í ensku úrvalsdeildinni á fyrstu mánuðum David Moyes í stjórastólnum og fékk meðal annars bara eitt stig út úr heimaleikjum á móti West Bromwich Albion og Southampton.

„Vandamálið er ekki að við séum að gera hlutina illa heldur fremur það að við erum ekki að gera þá nógu vel," sagði Patrice Evra við Skysports.

Manchester United er í 8. sæti með 14 stig sem er átta stigum minna en topplið Arsenal.

„Við höfum ekki lengur stöðugleikann og verðum að finna hann strax ef við ætlum okkur að vinna alla titla," sagði Evra.

„Við þurfum að vinna nokkra leiki í röð en það verður ekki fyrr en við vinnum tíu leiki í röð sem ég tel okkur vera komna í gírinn á ný. Eins og staðan er í dag þá erum við ekki í gírnum," sagði Evra.

„Við getum ekki unnið einn leik og tapa síðan stigum í næsta leik. Núna eru allir leikir okkar mikilvægir," sagði Evra.

Manchester United heimsækir Fulham í ensku úrvalsdeildinni á morgun.