Eriksson: Ég átti að taka við af Ferguson 2002

Sænski knattspyrnuþjálfarinn Sven Göran Eriksson segist hafa átt að taka við Sir Alex Ferguson sem þjálfari Manchester United sumarið 2002 áður en Ferguson hætti við að hætta með liðið og ákvað að þjálfa liðið í rúman áratug í viðbót.

Sven Göran Eriksson sem þá var þjálfari enska landsliðsins segist hafa skrifað undir samning við Manchester United um að taka við af Ferguson sem ætlaði sér að hætta að loknu tímabilinu 2002.

„Ég vissi að þetta yrði erfitt,“ segir Eriksson í ævisögu sinni sem er nýkomin út. „Ég var samningsbundinn Englandi þar til eftir Heimsmeistarakeppnina 2006 og hefði verið harðlega gagnrýndur fyrir að svíkja samninginn.

„En þetta var tækifæri til að stýra Manchester United. Ég skrifaði undir samning og átti að vera nýji stjóri United.“

Eriksson segir að umboðsmaður sinn, Pini Zahavi, hafi samninginn undir höndum.