Wenger: Robin van Persie verður alltaf Arsenal-maður

Arsene Wenger, knattspyrnustjóri Arsenal, vill meina að Robin van Persie, leikmaður Manchester United, verði alltaf Arsenal-maður inn við beinið.

Van Persie lék með Arsenal á árunum 2004-2012 og spilaði oft á tíðum meistaralega fyrir klúbbinn.

„Ég áttaði mig á því eftir mörg samtöl við leikmanninn að ég varð að selja hann,“ sagði Wenger við erlenda fjölmiðla.

„Það er alltaf skrítið að sjá hann í United treyju. Fyrir mér er hann og verður alltaf Arsenal-maður. Hann varð heimsklassaleikmaður hjá félaginu og átti magnaðar stundir hér.“

Robin van Persie mætir sínum fyrrum liðsfélögum í Arsenal á Old Trafford á sunnudaginn.