Aron Einar: Öxlin er í lagi

Aron Einar Gunnarsson, fyrirliði íslenska karlalandsliðsins í fótbolta, fór meiddur af velli í 0-2 tapi Cardiff City á móti Aston Villa í ensku úrvalsdeildinni í dag.

Aron Einar fór af velli á 65. mínútu en staðan var þá markalaus. Cardiff fékk á sig tvö mörk eftir að íslenski landsliðsmaðurinn yfirgaf völlinn.

Aron Einar hélt um öxlina sem hann meiddi sig á í landsleik síðasta vor og margir óttuðust um að hann væri orðinn tæpur fyrir umspilsleikina á móti Króatíu en fyrri leikurinn er á Laugardalsvellinum eftir aðeins sex daga.

Aron Einar er hinsvegar með ánægjuleg skilaboð inn á twitter-síðu sinni. „Öxlin er i lagi folks," skrifaði Aron Einar og mörgum er örugglega mikið létt.

Aron Einar er einn allra mikilvægasti leikmaður íslenska liðsins enda leiðtogi liðsins og algjör brimbrjótur á miðjunni.

Það er hægt að sjá Aron Einar með kæliumbúðir á öxlinni með því að smella hér fyrir ofan.