Ítarleg greining á glæsimarki Gylfa

Tottenham Hotspur fór frábærlega af stað gegn Chelsea um síðustu helgi þegar Gylfi Þór Sigurðsson kom liðinu yfir eftir tæplega tuttugu mínútna leik. Leikurinn fór að lokum 1-1 sem verða teljast fín úrslit fyrir Tottenham gegn svona sterku liði.

Chelsea liðið var vel staðsett í aðdraganda marksins en einstakt spil leikmanna Tottenham skilaði boltanum í netið.

Kyle Naughton, leikmaður Tottenham, fékk frábæran sendingu og framlengdi boltann á Gylfa Sigurðsson sem því næst tekur á rás. Branislav Ivanovic, leikmaður Chelsea, fer út í Gylfa og þá opnast mikið svæði á vinstri kantinum fyrir aftan bakvörðinn.

Gylfi sendir því næst boltann á Moussa Dembele sem á þeim tíma vel dekkaður af John Obi Mikel. Mikel gerir aftur á móti mistök og reynir að komast framfyrir leikmanninn og missir því næst Dembele í gegn. Dembele framlengir boltann á Christian Eriksen sem var staðsettur framar á vellinum.

Eriksen nýtir sér plássið sem hafði opnast fyrir aftan Branislav Ivanovic og fer rakleitt í þá holu.

Daninn dregur þá David Luiz og Frank Lampard í áttina að hornfánanum og á þeim tíma er Ivanovic enn að elta Gylfa Þór Sigurðsson.

Inn í vítateignum er því aðeins einn Chelsea maður eftir og það kom í hlut John Terry að passa upp á Roberto Soldado.

Eriksen sendir boltann laglega í gegnum þá Luix og Lampard sem ratar á Soldado.

Spánverjinn leggur því næst boltann ótrúlega vel fyrir Gylfa Þór Sigurðsson sem afgreiddi boltann laglega í netið.

Færslan á Christian Eriksen í aðdraganda marksins er einstök og splundrar í raun vörn Chelsea. Gylfi nýtir sér það pláss sem hann fær og snerting Soldado sem leggur markið upp fyrir Íslendinginn er lokanaglinn á ótrúlega vel framkvæmda sókn frá þeim hvítklæddu.

Markið glæsilega má sjá í spilaranum efst í fréttinni.