Manchester United hugsanlega að stofna kvennalið

Forráðamenn Manchester United kanna nú hvort grundvöllur sé fyrir því að setja á laggirnar kvennalið en félagið hefur ekki verið með starfrækt kvennalið.

Lið á borð við Chelsea, Manchester City, Everton, Liverpool og Arsenal hafa kvennalið en Katrín Ómarsdóttir og félagar í Liverpool urðu Englandsmeistarar um helgina.

Samkvæmt heimilidum Daily Mail mun David Moyes, knattspyrnustjóri Manchester United, hafa kveikt á áhuganum hjá forráðamönnum félagsins um að byrja með kvennalið.

Dóttir Moyes er leikmaður Preston North End og þekkir stjórinn töluvert til kvennaknattspyrnu.