Messan: Suarez og Sturridge ná vel saman

Þeir Guðmundur Benediktsson, Hjörvar Hafliðason og Bjarni Guðjónsson fóru vel í gegnum sjöttu umferð ensku úrvalsdeildarinnar í Messunni á Stöð 2 Sport 2 í gær.

Liverpool vann góðan sigur á Sunderland 3-1 og voru þeir Luis Suarez og Daniel Sturridge frábærir í leiknum.

„Ég er alltaf nokkuð hrifinn af því þegar við fáum að sjá tvo framherja upp á topp,“ sagði Bjarni Guðjónsson í gær.

„Þeir virðast ná virkilega vel gaman og finna hvorn annan oft á vellinum. Svo skemmir ekki fyrir að þeir  ná báðir að skora fyrir liðið,“ sagði Bjarni um þá Suarez og Sturridge.

Hér að ofan má sjá myndskeið úr Messunni sem fram fór á Stöð 2 Sport 2 í gær en þátturinn verður á mánudagskvöldum í vetur.