Messan: Mata breytti leiknum | Gylfi sjóðheitur

Guðmundur Benediktsson, Hjörvar Hafliðason og Bjarni Guðjónsson fóru vel í gegnum sjöttu umferð ensku úrvalsdeildarinnar í Messunni á Stöð 2 Sport 2 í gær.

Tottenham og Chelsea gerðu 1-1 jafntefli á White Hart Lane en Gylfi Þór Sigurðsson gerði eina mark Tottenham í leiknum.

„Þetta var nokkuð skrítin leikur. Tottenham var miklu betri aðilinn í fyrri hálfleiknum og Chelsea sterkari í þeim síðari,“ sagði Guðmundur Benediktsson.

„Juan Mata kom inn á völlinn og breyti bara spilamennsku Chelsea-liðsins. Hann kom með mikla yfirvegun inn í liðið,“ sagði Bjarni Guðjónsson.

„Eftir frábæran undirbúning frá liðsfélögum Gylfa skorar hann þetta mark, hann á samt helling eftir þegar hann fær boltann,“ sagði Hjörvar Hafliðason.

Hér að ofan má sjá myndskeið úr Messunni sem fram fór á Stöð 2 Sport 2 í gær en þátturinn verður á mánudagskvöldum í vetur.