Redknapp vill ekki fá Remy og Taarabt til baka

Harry Redknapp, knattspyrnustjóri QPR, heldur því fram að hann hafi ekki áhuga á því að fá Loic Remy og Adel Taarabt til baka til liðsins en leikmennirnir fóru báðir á lán fyrir tímabilið.

Remy fór á lán til Newcastle og Adel Taarabt til Fulham en þeir voru sterkir með QPR sem féll úr ensku úrvalsdeildinni á síðustu leiktíð.

Leikmennirnir hafa hvorugir mikinn áhuga á því að snúa til baka og ekki vill stjórinn fá þá á ný.

„Remy vildi fara til Newcastle og ég óska honum góðs gengis þar,“ sagði Redknapp í enskum fjölmiðlum.

„Hann er ekki í mínum framtíðaráformum. Ég vill aðeins hafa leikmenn í hópnum sem vilja ekkert heitara en að vera hjá QPR.“

„Ég vill einnig óska Taarabt og öllum þeim leikmönnum sem vildu fara á lán góðs gengis, þeir koma ekki aftur hingað.“