Varamennirnir björguðu Chelsea

Chelsea vann 3-1 sigur á Norwich á útivelli. Varamennirnir Eden Hazard og Willian tryggðu sigurinn með tveimur mörkum á síðustu fimm mínútum leiksins.

Oscar kom Chelsea í 1-0 strax á 4. mínútu eftir sendingu frá Demba Ba og þannig var staðan í hálfleik.

Anthony Pilkington jafnaði metin fyrir Norwich á 68. mínútu en Jose Mourinho sendi þá Hazard og Willian á vettvang seint í hálfleiknum.

Harzard skoraði á 85. mínútu og mínútu síðar skoraði Willian og tryggði Chelsea stigin þrjú.

Chelsea fór með sigrinum upp í 14 stig og er tveimur stigum á eftir Liverpool sem er á toppnum og stigi á eftir Arsenal sem mæti WBA síðar í dag.

Norwich er í 16. sæti með 7 stig.