Óskabyrjun hjá McClaren með Derby | QPR enn ósigrað

Burnley og QPR halda sigurgöngu sinni áfram í Championship-deildinni í knattspyrnu. Leeds tapaði 3-1 úti gegn Derby.

Leeds tókst ekki að fylgja á eftir góðum sigri á Bournemouth í síðustu umferð í heimsókn sinni á Stoltvang í Derby. Heimamenn fengu uppreisn æru eftir dapurt gengi að undanförnu og unnu 3-1 sigur.

Steve McClaren fær því óskabyrjun með liðið. McClaren er kominn aftur í enska boltann en hann tók við stjórastarfinu af Nigel Clough.

Burnley vann sinn fimmta leik í röð þegar Reading kom í heimsókn. 2-1 sigur var öruggari en tölurnar gefa til kynna því gestirnir minnkuðu muninn seint í leiknum.

Charlie Austin var hetja QPR sem vann 2-0 sigur á Barnsley. Austin skoraði bæði mörkin í síðari hálfleik og Harry Redknapp gat leyft sér að brosa. QPR hefur verið í fantaformi og ekki enn tapað leik í deildinni.

Kári Árnason lék allan leikinn með Rotherham í 1-0 útisigri á Brentford. Björn Bergmann Sigurðarson kom inn á hjá Wolves í 3-0 útisgri á Colchester.

Úrslit dagsins má sjá hér að neðan.

Birmingham 1-2 Bolton

QPR 2-0 Barnsley

Burnley 2-1 Reading

Hudderfield TOwn 1-2 Watford

Doncaster 1-0 Leicester

Derby County 3-1 Leeds

Charlton Athletic 0-0 Blackpool

Bournemouth 5-2 Millwall

Middlesbrough 4-1 Yeovil

Sheffield Wednesday 1-1 Ipswich