Villas-Boas: Áttum aldrei möguleika í seinni hálfleik

„West Ham á allt hrós skilið. Liðið lék vel, mjög vel,“ sagði Andre Villas-Boas knattspyrnustjóri Tottenham eftir 3-0 ósigur liðsins gegn West Ham United á heimavelli í dag.

„Við lékum vel í fyrri hálfleik en ekki nógu vel til að skora. Við byrjuðum líka vel í seinni hálfleik en því miður fengum við mark á okkur úr föstu leikatriði gegn gangi leiksins.

„En þeir átti þetta fyllilega skilið, í hvert skipti sem við reyndum að komast aftur inn í leikinn skoruðu þeir aftur. Þeir skoruðu þrjú mörk á skömmum tíma og við áttum ekki möguleika á að bregðast við.

„Við ætluðum að henda öllum okkar vopnum inn á en þegar við vorum tilbúnir að setja Soldado inn á þá komust þeir í 2-0. Þá varð enn erfiðara fyrir okkur að komast inn í leikinn.

„Við áttum aldrei þann möguleika. West Ham lék mjög vel í seinni hálfleik. Þeir voru ákveðnir, unnu boltann og verðskulduðu sigurinn,“ sagði Villas-Boas.