Ferguson ánægður með Rooney

Sir Alex Ferguson, fyrrum stjóri Man. Utd, er farinn að mæta á völlinn á nýjan leik og er einnig farinn að tjá sig um liðið.

Eftir síðasta heimaleik sinn sem stjóri Man. Utd síðasta vetur þá greindi Ferguson frá því að félagið hefði hafnaði beiðni Wayne Rooney um að fara frá félaginu.

Hann var svo orðaður við Chelsea í allt sumar. United hafnaði tveim tilboðum frá Lundúnafélaginu og hann er enn í herbúðum félagsins og að leika vel.

"Wayne var stórkostlegur gegn Leverkusen. Það var gaman að sjá það. Krafturinn er kominn aftur sem og ákveðnin. Ég gleðst yfir því að sjá hann eins og við munum eftir honum," sagði Ferguson sem er sestur í stjórn félagsins.