Gummi Ben lýsir frá Old Trafford í kvöld

Leikur Manchester United og Liverpool í 32-liða úrslitum enska deildarbikarsins fer fram á Old Trafford í kvöld og verður hann í beinni útsendingu á Stöð 2 Sport og Sport 2.

Guðmundur Benediktsson verður staddur á Old Trafford í kvöld og mun lýsa leiknum frá vellinum.

Viðureignir þessara liða hafa verið magnaðar síðustu áratugi og ávallt mikið undir þegar þessi lið mætast.

Luis Suarez, leikmaður Liverpool, mætir aftur til leiks með Liverpool í kvöld en leikmaðurinn var dæmdur í tíu leikja bann fyrir að bíta Branislav Ivanovic, leikmann Chelsea, í viðureign liðanna í vor.

Leikurinn hefst klukkan 18:45 í kvöld.