Gylfi enn einu sinni orðaður við Liverpool

Samkvæmt enskum fjölmiðlum mun Brendan Rodgers, knattspyrnustjóri Liverpool, gera allt sem hann getur til að klófesta Gylfa Þór Sigurðsson frá Tottenham Hotspur í janúar.

Liverpool tapaði fyrir Southampton, 1-0, um síðustu helgi og vantaði töluvert upp á miðjuspilið hjá liðinu í leiknum. Stjórinn vill því fjárfesta í skapandi miðjumanni og það sem allra fyrst.

Brendan Rodgers fékk Gylfa Þór til liðs við Swansea á sínum tíma og þekkir vel til leikmannsins.

Rodgers mun líklega leggja fram tilboð upp á 12 milljónir punda í Íslendinginn í janúar.