Moyes vill framlengja við Vidic

David Moyes, stjóri Man. Utd, hefur beðið stjórn félagsins um að fara í að gera nýjan samning við fyrirliða liðsins. Nemanja Vidic. Núverandi samningur hans rennur út næsta sumar.

Moyes segir að Vidic sé besti varnarmaður sem hann hafi unnið með.

"Ég vissi ekki af þessu með samningsstöðuna. Ég geri ráð fyrir að stjórnin fari í þetta mál. Hann er ekki gamall og í heimsklassa. Sá besti sem ég hef unnið. Það er ekki spurning," sagði Moyes.

Moyes viðurkennir að hann óttist að missa hinn efnilega Adnan Januzaj er samningur Belgans unga rennur út næsta sumar.

"Við erum mikið að hugsa um Adnan. Við teljum okkur kunna að vinna með unga leikmenn og í raun gera það best allra. Hann er kominn í hópinn hjá aðalliðinu og næsta verkefni hans er að koma sér í liðið. Hann vill vera áfram en það eru margir sem reyna að hafa áhrif á hans ákvarðanir."