Rooney mærir Moyes

Þrátt fyrir meint ósætti á milli Wayne Rooney og David Moyes, stjóra Man. Utd, þá hrósar Rooney stjóranum fyrir góðar æfingar sem henti honum vel.

Rooney lék undir stjórn Moyes hjá Everton á sínum tíma og þekkir því til þjálfunaraðferða stjórans.

"Æfingarnar eru svolítið öðruvísi hjá nýja stjóranum og ég man vel eftir þessum æfingum síðan ég var hjá Everton. Það er meiri ákefð í þessum æfingum og það er að hjálpa mér," sagði Rooney og bætti við.

"Moyes er frábær stjóri og á fyllilega skilið að hafa fengið þetta starf eftir það sem hann afrekaði hjá Everton. Það er gott að vinna undir hans stjórn og vonandi náum við árangri saman."