Enski boltinn

Rooney ætlar til Chelsea

Kristinn Páll Teitsson skrifar
Wayne Rooney
Wayne Rooney Mynd/Gettyimages
Wayne Rooney, framherji Manchester United og Enska landsliðsins virðist vera harðákveðin í að ganga til liðs við Chelsea í sumar. Rooney bað um sölu frá félaginu í vor en var synjað af Alex Ferguson.
 
Þrátt fyrir að nýr maður sé kominn í stjórastólinn virðist Rooney ekki getað hugsað sér áframhald í United treyjunni. Manchester United hefur hafnað tveimur tilboðum Chelsea en samkvæmt heimildum ESPN hefur Rooney tilkynnt liðsfélögum sínum að hann muni ganga til liðs við Chelsea í sumar.
 
Leikmenn Manchester United eru sagðir óánægðir með viðhorf Rooney og hafa tilraunir þeirra til að sannfæra Rooney um að spila áfram ekki borið árangur. Rooney æfir þessa dagana með unglingaliði félagsins en hann hefur ekki enn tekið þátt í opinberum æfingarleik á undirbúningstímabilinu og hefur klúbburinn gefið út að Rooney sé meiddur.
 
Hann hefur ekki enn dregið sig úr landsliðshópnum sem mætir Skotum í næstu viku en hann er ekki í hóp Manchester United sem tekur á móti Wigan í leiknum um Samfélagsskjöldinn vegna meiðsla. Leikurinn fer fram á Wembley og er í beinni á Stöð 2 Sport 2 og Stöð 2 Sport 2 HD klukkan 12:45.
Enski boltinn

Mest lesið


Fleiri fréttir

Sjá meira


×

Mest lesið