84 ára kona vann stærsta lottópottinn

Hin 84 ára gamla Gloria Mackenzie frá Flórída datt svo sannarlega í lukkupottinn þegar hún keypti lottómiða á dögunum.

Hún gerði sér lítið fyrir og vann stærsta pott sem gengið hefur út í sögu hins bandaríska Powerball-lottós, og er nú orðin 590 milljón Bandaríkjadölum ríkari. Það samsvarar tæplega 72 milljörðum íslenskra króna.

Mackenzie, sem er búsett í 13 þúsund manna smábænum Zephrillis, hafði lofað syni sínum helmingi vinningsupphæðarinnar, en miðinn var keyptur í stórmarkaði í bænum.

Það er þó viðbúið að spilarinn sem hleypti Mackenzie fram fyrir sig í lottóröðinni sé allt annað en ánægður, en sú gamla segist vera honum þakklát.