Whelan bar ekki sök á svínshöfuðshrekknum

Kenwyne Jones hefur beðið liðsfélaga sinn hjá Stoke, Glenn Whelan, afsökunar eftir að hafa brotið framrúðuna á bíl Whelan. Forsaga málsins er sú að nokkrir hrekkjalómar í liði Stoke tóku sig til og vöfðu svínshöfði inn í föt Jones sem trylltist í kjölfarið.

Jones hélt að Whelan hefði verið höfuðpaurinn á bakvið hrekkinn og braut framrúðuna á bíl Whelan í kjölfarið. Whelan kom hins vegar af fjöllum og skyldi ekkert hvað væri í gangi. Félagið þurfti að skerast í leikinn og hóf formlega rannsókn á málinu sem hið vandræðalegasta fyrir félagið.

„Ég og Whelan ræddu málið og hann sagðist ekki hafa tekið þátt í þessum hrekk og því bað ég hann afsökunar. Ég borga fyrir skemmdirnar,“ segir Jones. „Allir þeir sem halda að vefja hausi af svíni inn í fötin mín sé fyndið, frábært, þá er brotin rúða það einnig.“