"Við munum komast að því hverjir gerðu þetta og af hverju“

„Við munum komast að því hverjir gerðu þetta og við munum láta viðkomandi sæta ábyrgð,“ sagði Barack Obama þegar hann ávarpaði þjóð sína í Hvíta húsinu klukkan tíu mínútur yfir tíu í kvöld. Þá tók hann skýrt fram að rannsakað yrði hvers vegna viðkomandi gerðu það sem þeir gerðu.

Að minnsta kosti tvær sprengjur sprungu í Boston í kvöld. Þá sprakk sprengja og eldur kviknaði í bókasafninu í Boston en á þessari stundu er óljóst hvort hún tengist hinum tveimur. „Bandaríkjamenn munu biðja fyrir íbúum Boston í kvöld,“ sagði Obama forseti Bandaríkjanna. Þá vakti athygli að hann notaði ekki orðið hryðjuverk yfir þá atburði sem orðið hafa í kvöld.

Barack Obama hefur verið í stöðugu sambandi við yfirvöld í Boston og Massacusettsríki til að fá fréttir af gangi mála. Þá hefur hann jafnframt verið í sambandi við yfirmenn hjá bandarísku alríkislögreglunni, FBI.

Ræða Obama Bandaríkjaforseta: