Rooney: Æfðum föst leikatriði í vikunni

„Við vissum að við þyrftum að vinna í dag sama hvað það tæki. Við gætum ekki tapað þessu og leyft Arsenal að ná 11 stiga forskoti á okkur. Við vissum að Arsenal er með mikil af lágvöxnum leikmönnum svo við æfðum föst leikatriði og það borgaði sig í dag," sagði Wayne Rooney, framherji Manchester United í viðtölum eftir leikinn.

„Við sáum hin úrslitin bæði í dag og í gær og það gaf okkur aukin kraft. Við erum komnir aftur í þessa baráttu með þessum sigri hér í dag. Þetta er frábært fyrir sjálfstraustið, að fá þessa helgi rétt fyrir landsleikjahléið. Markmiðið okkar er að vera í toppbaráttuni um áramótin og vinna út frá því,"

David Moyes, framkvæmdarstjóra Manchester united var skiljanlega létt eftir sigurinn.

„Þetta er búin að vera frábær helgi fyrir okkur, við höfum ekki fengið margar slíkar. Þetta var stór sigur fyrir okkur persónulega, Arsenal hafa byrjað tímabilið af miklum krafti og við þurftum að spila virkilega vel í dag til að ná úrslitum,"

„Við tökum þrjú sterk stig úr þessum leik. Einbeitingin og vilji skilaði okkur í gegnum seinni hálfleik, við gáfum þeim of mikið pláss í seinni hálfleik. Í fyrri hálfleik spiluðum við vel og náðum að loka mikið á svæðin þeirra,"

„Þetta var líka mikilvægt fyrir stuðningsmennina sem voru frábærir í dag og vonandi nutu þeir leiksins. Í svona stórum leikjum stíga klassa leikmenn upp og Rooney og Van Persie gerðu það í dag. Við erum á góðri leið að spila eins og við viljum, við erum að bæta okkur og vonandi náum við að halda áfram að bæta okkur,"

Nemanja Vidic varð fyrir höggi í lok fyrri hálfleiks og staðfesti Moyes að hann hefði verið sendur á spítala.