Jol óttast ekki að verða rekinn

Martin Jol framkvæmdarstjóri enska úrvalsdeildarliðsins Fulham óttast ekki að verða rekinn frá félaginu en liðið hefur aðeins náð í tíu stig í fyrstu tíu leikjum sínum á tímabilinu og tapað þremur leikjum í röð.

Enskir veðbankar bjóða ekki háa stuðla á að Jol verði næsti knattspyrnustjórinn á Englandi til að verða rekinn en hann hlær að þessu.

„Ég óttast ekkert. Hér áður fyrr sögðu menn ‚þú þarft ekkert að óttast, Martin er hérna‘,“ sagði Martin Jol eftir tapið fyrir Manchester United í gær.

„Stundum hef ég áhyggjur af því að stuðningsmennirnir séu ekki á bak við mig en á hinn bóginn er betra að þeir styðji ekki við bakið á mér en leikmönnum.

„Ég er spurður út í pressuna í hverri viku og allir stjórarnir í deildinni fá þessa spurningu. Ef þú ert í neðri hlutanum þarftu að vinna leiki.

„Við erum með betra lið en sex eða sjö lið í deildinni. Við munum ná í stig og vera í góðum málum að lokum,“ sagði Martin Jol.